कार्यक्रममा बोल्दै वडाध्यक्ष दलबहादुर कार्कीले ज्येष्ठ नागरिक समाजका अनुभव र ज्ञानका स्रोत भएको उल्लेख गर्दै उनीहरूको योगदानलाई पुस्तान्तरण गर्न सम्मान कार्यक्रम आयोजना गरिएको बताउनुभयो। परिवार र समाजमा ज्येष्ठ नागरिकहरू एक्लोपनको अनुभूति गर्न थालेको अवस्थामा उनीहरूलाई साथ र सम्मानको अनुभूति गराउनु आवश्यक रहेको उहाँको भनाइ थियो।
सम्मान समारोहको अध्यक्षता त्रिभुवन विश्वविद्यालयका पूर्व रजिष्ट्रार प्रा. डा. पार्थिवेश्वर तिमिल्सिनाले गर्नुभएको थियो। उहाँले स्थानीय सरकारले नागरिकलाई प्रत्यक्ष रूपमा महसुस हुने कार्यक्रम सञ्चालन गर्नु नै वास्तविक विकासको संकेत भएको बताउनुभयो।
वडा सचिव देवराज जोशीका अनुसार सम्मानितमध्ये सबैभन्दा ज्येष्ठ ९४ वर्षीया लक्ष्मी कपाली रहनुभएको छ। कार्यक्रमले ज्येष्ठ नागरिकहरूलाई एकअर्कासँग भेटघाट, अनुभव आदानप्रदान तथा सामाजिक सम्बन्ध विस्तार गर्ने अवसर प्रदान गरेको आयोजकको विश्वास छ।
